अयोध्या प्रशासनानं मशिदीसाठी ज्या जागांची पाहणी केली आहे, त्या मलिकपुरा, मिर्झापूर, शमशुद्दीनपूर आणि चांदपूर गावातील जमिनी आहेत. या सर्व जमिनी अयोध्येपासून निघणाऱ्या आणि वेगवेगळ्या शहरांना जोडणाऱ्या मुख्य रस्त्यावर आहेत.
सर्वोच्च न्यायालयानं 9 नोव्हेंबरला अयोध्येतील वादग्रस्त जमिनीबाबत निकाल दिला. त्यानुसार वादग्रस्त जमीन रामलल्ला पक्षकारांना देण्यात आली, तर सुन्नी वक्फ बोर्डाला मशीद बांधण्यासाठी अयोध्येतच अन्य ठिकाणी 5 एकर जमीन देण्याचे आदेश दिले.
