ज्या विद्यार्थ्यांना कोविड सदृश्य लक्षणे आढळून आलेली आहेत, त्यांना पीपीई किट उपलब्ध करून दिले जाणार आहे. यामुळे कोणत्याही विद्यार्थ्यांचे नुकसान होणार नाही. तसेच उमेदवारांना एमपीएससीकडून मास्क, सॅनिटायझर, हॅन्डग्लोज दिले जाणार आहे.
ताप, सर्दी, खोकला, अशी लक्षणे असल्यास परीक्षा केंद्रावरील अधिकारी, कर्मचाऱ्यांना कळवणे बंधनकारक आहे. स्वतःचा जेवणाचा डब्बा आणि पाण्याची बाटली घेऊन यावी, असेही आवाहन करण्यात आले आहे.
राज्य सेवा पूर्व परीक्षेचे दोन पेपर आहेत. त्यामुळे उमेदवाराला परीक्षा केंद्राबाहेर पडता येणार नाही. तसेच उमेदवाराने एकमेकांचे शैक्षणिक साहित्य वापरण्यास मनाई आहे. तसेच सुरक्षित अंतर पाळावे, असे आवाहन करण्यात आले आहे.
