या बिलानंतर लॉकडाऊनदरम्यान आलेली बिले अवास्तव असून ती भरू नये अस खडसेंनी म्हटलं आहे. सरकारने या वीज बिलांची चौकशी करावी, अशी मागणी त्यांनी केली आहे. या बिलांमध्ये सवलत द्या, तसंच लोकांना वेठीला धरण्याचं काम करू नका, असं एकनाथ खडसे म्हणाले आहेत.
दरम्यान वीज बिलांच्या मुद्द्यावरुन भाजप नेते किरीट सोमय्या यांनीही आरोप केले आहेत. 'महावितरणकडे पगार द्यायलाही पैसे नव्हते. ठाकरे सरकारने आम्ही पैसे देणार नाही, असं सांगितलं. तेव्हा मंत्रालयात जादा वीज बिल पाठवण्याचा कट शिजला,' असा दावा किरीट सोमय्या यांनी केला आहे.
