भाविकांनी या गणपती मंदिराच्या परिसरात गर्दी केली होती. मात्र मंदिरातून दर्शन बंद करण्यात आले होते. भाविकांकडून हार, फुले, पेढे आणि नारळदेखील स्वीकारले जाणार नसून प्रसादही दिला जाणार नाही. त्यामुळे भाविकांनी मंदिरावरील आकर्षक विद्युतरोषणाई पाहून बाहेरूनच दर्शन घेण्यास सुरुवात केली आहे. दरम्यान, भाविकांनी दर्शनासाठी मंदिराबाहेर गर्दी करू नये, या उत्सव काळात भाविकांनी ऑनलाईन दर्शन सुविधेचा लाभ घ्यावा, असे आवाहन ट्रस्टतर्फे करण्यात आले आहे.
