सध्या सोशल मीडियावर रील बनवून शेअर केले जातात. तरुणाई रीलसाठी मिळणाऱ्या लाईक्स आणि फॉलोवर्स साठी काहीही करतात .रिल्स बनविण्याच्या नादात अनेकांना आपल्या जीवाशी खेळ करताना प्राण गमवावे लागतात.तरीही रिल्स बनविण्यासाठी तरुणाई नवे नवे धाडस करतात. काही हटके बनविण्याच्या नादात तरुणाना जीव गमवावा लागतो. असेच काहीसे घडले आहे राजस्थान च्या बिकानेरच्या चुरु जिल्ह्यातील सदर भागातील आंघोळीचा व्हिडिओ रिल्ससाठी बनवताना जोहाड (तलावा) मध्ये बुडून 4 तरुणांचा मृत्यू झाला.
सुरेश (21) पोहत पुढे निघून गेला. पाण्यात तोल गेल्याने तो बुडू लागला. त्याला वाचवण्याच्या प्रयत्नात इतर तीन साथीदार खोल पाण्यात उतरले. एक एक करून सर्वजण बुडाले. माहिती मिळताच ग्रामस्थ मोठ्या संख्येने घटनास्थळी दाखल झाले. त्यांनी पोलिसांना माहिती दिली. पोलिसांनी गावकऱ्यांच्या मदतीने बचावकार्य केले. सुमारे 3 तासांच्या प्रयत्नानंतर चौघांचेही मृतदेह बाहेर काढण्यात आले. हे प्रकरण चुरू जिल्ह्यातील सदर भागातील आहे.
सुरेश नायक (21), योगेश रेगर (18), लोकेश निमेल (18) आणि रामसरा गावातील करिब सिंग (18) असे या मयतांची नावे आहेत. हे रविवारी दुपारी 3 वाजता तलावात आंघोळीसाठी गेले होते
घटनास्थळी उपस्थित असलेल्या मोनू (17) या मुलाने सांगितले की, रविवारी दुपारी साडेचारच्या सुमारास लोकेशने त्याला जोहाडमध्ये आंघोळ करण्यासाठी बोलावले होते. मोनूने आंघोळ करण्यास नकार दिला. यावर तरुणांनी त्याला त्याच्या अंघोळीचा व्हिडिओ इन्स्टाग्रामवर लाइव्ह करण्यास सांगितले. त्याचवेळी अचानक सुरेश, योगेश, लोकेश आणि करिबसिंग हे पाण्यात बुडू लागले. व्हिडिओ बनवताना मोनू घाबरला. त्यांनी तरुणाच्या कुटुंबीयांना माहिती दिली. 3 तासांच्या अथक परिश्रमानंतर चार तरुणांचे मृतदेह बाहेर काढले. पोलिसांचे पथक घटनास्थळी पोहोचले.गावकऱ्यांनी मृतदेहही बाहेर काढले.मृतदेह रुग्णालयात पाठविले असून शवविच्छेदनानंतर कुटुंबियांना देण्यात येतील.
