सुरुवातीला आंध्र प्रदेश एक्सप्रेसच्या दोन डब्यांना आग लागली. त्यानंतर ही आग आणखी दोन डब्यांपर्यंत पोहोचली. या आगीत कोणतीही जीवितहानी झालेली नाही. प्रवाशांना वेळीच बाहेर काढण्यात आल्यानं मोठा अनर्थ टळला. ही एक्सप्रेस निजामुद्दीनहून विशाखापट्टणमला जात होती. आगीची माहिती मिळताच अग्निशमन दलाच्या जवानांनी घटनास्थळी धाव घेतली. या आगीवर नियंत्रण मिळवण्यात अग्निशमन दलाला यश मिळाल्याची माहिती मिळते आहे.
