पारनेर बस स्थानकाबाहेर ही थरारक घटना घडली असून हा संपूर्ण प्रकार दुकानातील सीसीटीव्हीत कैद झाला आहे. यात दिसून येत आहे की पारनेर बस स्थानकातून ही बस बाहेर पडताच चालक भापकर यांना झटका आल्याने ते स्टेरिंग वर पडले आणि त्यांचे बस वरील नियंत्रण सुटले. मात्र बाजूलाच असलेल्या दुकानदारांनी प्रसंगावधान दाखवत बसकडे धाव घेत केबिन मध्ये चढून बस नियंत्रणात आणल्याने मोठा अनर्थ टळला. दरम्यान या भापकर यांना पारनेरमधील खासगी रुग्णालयात दाखल करण्यात आले आहे.
