आयपीएल 2016 च्या विजेत्या संघ सनरायझर्स हैदराबादने आपला कर्णधार बदलला आहे. आयपीएल 2023 मध्ये दक्षिण आफ्रिकेचा खेळाडू एडन मार्कराम याने या संघाचे नेतृत्व केले होते. मात्र आता या खेळाडूकडून ही जबाबदारी परत घेण्यात आली असून ऑस्ट्रेलियाचा दिग्गज खेळाडू पॅट कमिन्सला नवा कर्णधार बनवण्यात आले आहे. आयपीएल 2024 च्या लिलावात हैदराबादने कमिन्सला 20.5 कोटी रुपयांची मोठी रक्कम देऊन आपल्या संघात समाविष्ट केले होते. आता या खेळाडूला संघाचा कर्णधार बनवण्यात आले आहे. हैदराबादनेही या खेळाडूवर विश्वास व्यक्त करत त्याच्यावर सर्वात मोठी जबाबदारी सोपवली आहे.
फ्रँचायझीने 20.5 कोटी रुपयांची मोठी रक्कम देऊन खेळाडूला आपल्या संघात समाविष्ट केले होते. तेव्हापासून या खेळाडूकडे कर्णधारपदाची जबाबदारी दिली जाऊ शकते, अशी शक्यता वर्तवण्यात आली होती. आता कमिन्सची कर्णधारपदी नियुक्ती झाल्याने हैदराबादच्या करोडो चाहत्यांमध्ये आनंदाची लाट उसळली आहे.
