मुंबई : काही दिवसांपूर्वीच आरबीआयने एसबीआय आणि इंडियन बँकेसह सार्वजनिक क्षेत्रातील तीन बँकांवर दंड ठोठावला होता. आरबीआयने सांगितले की, एसबीआयला 1.3 कोटी रुपये, इंडियन बँकेला 1.62 कोटी रुपये आणि पंजाब अँड सिंध बँकेला 1 कोटी रुपये दंड ठोठावण्यात आला होता. अशाच रिझर्व्ह बँक ऑफ इंडिया आता बँकिंग नियमांच्या उल्लंघनावर कठोर भूमिका घेत आहे. RBI ने काही नियमांचे उल्लंघन केल्याबद्दल देशातील तीन मोठ्या बँकांना दंड ठोठावला आहे.
सार्वजनिक क्षेत्रातील सर्वात मोठ्या SBI बँकेला कोट्यवधी रुपयांचा दंड ठोठावल्यानंतर, RBI ने तीन सहकारी बँकांना दंड ठोठावला आहे. यावेळी आरबीआयने सारस्वत सहकारी बँक लिमिटेड, बसेन कॅथोलिक सहकारी बँक लिमिटेड आणि राजकोट नागरी सहकारी बँक लिमिटेड यांना दंड ठोठावला आहे.
सारस्वत सहकारी बँकेला 23 लाखांचा दंड
बँकिंग नियमन कायदा, 1949 च्या तरतुदी आणि आरबीआयने जारी केलेल्या निर्देशांचे उल्लंघन केल्याबद्दल रिझर्व्ह बँकेने सारस्वत सहकारी बँक लिमिटेड, मुंबईला 23 लाख रुपयांचा दंड ठोठावला. आरबीआयकडून सांगण्यात आले की सारस्वत सहकारी बँकेने बीआर कायद्यातील तरतुदी आणि त्याअंतर्गत जारी केलेल्या आरबीआयच्या निर्देशांचे उल्लंघन केले आहे.
'या' दोन बँकांनाही दंड ठोठावला
याशिवाय, कलम 20 च्या तरतुदींचे उल्लंघन केल्याबद्दल वसई, महाराष्ट्रातील बेसिन कॅथोलिक को-ऑपरेटिव्ह बँक लिमिटेडला 25 लाख रुपयांचा आर्थिक दंड ठोठावण्यात आला आहे. बेसिन कॅथोलिक सहकारी बँक तिच्या मालकीच्या एका संचालक/फर्मला अनेक असुरक्षित कर्जे दिल्याबद्दल दोषी आढळली आहे.
