नीरव मोदीकडे रोल्स रॉयल, पोर्श, मर्सिडीज आणि टोयाटो फॉर्च्युनर यासारख्या महागड्या गाड्या आहेत. त्याच्याकडे पेंटिंग्जचे जे कलेक्शन आहे, त्याची किंमत अंदाजे 57.72 कोटी इतकी आहे. हे सगळेच नीरव मोदीच्या हातून निसटले असून याच महिन्यात या सर्वाचा लिलाव ठेवण्यात येईल, असे ईडीच्या एका अधिकार्‍याने सांगितले. या लिलावात आयकर विभागाने जमा केलेल्या 68 पेंटिंग्जची विक्री करण्यासही कोर्टाकडून संमती मिळाली असल्याचे या अधिकार्‍याने नमूद केले. पंजाब नॅशनल बँकेत 13 हजार कोटींचा घोटाळा करून नीरव मोदी भारताबाहेर पसार झाला आहे.
