श्री हनुमानाची आरती

शनिवार, 29 ऑगस्ट 2020 (11:05 IST)
सत्राणे उड्डाणे हुंकार वदनी।
करि डळमळ भूमंडळ सिंधूजळ गगनी।।
कडाडिले ब्रम्हांड धाक त्रिभुवनी
सुरवर नर निशाचर त्या झाल्या पळणी।।1।।
 
जय देव जय देव जय श्रीहनुमंता।
तुमचेनी प्रसादे न भी कृतांता।।धृ।।
 
दुमदुमले पाताळ उठिला प्रतिशब्द।
थरथरला धरणीधर मानीला खेद।
कडकडिले पर्वत उड्डगण उच्छेद
रामी रामदासा शक्तीचा शोध।।जय।।2।।

वेबदुनिया वर वाचा

संबंधित माहिती