बुलढाणा जिल्ह्यातील चिखली येथे भाजपच्या नेत्या, जिल्हा परिषद सदस्य श्वेता महाले यांनी दहीहंडी कार्यक्रमाचे आयोजन केले होते. या कार्यक्रमाला अभिनेत्री नेहा पेंडसे हिला बोलावण्यात आले होते. नेहाला पाहण्यासाठी नागरिकांनी देखील मोठी गर्दी केली होती. परंतु नेहा स्टेजवर येत असताना तिला धक्काबुक्की करण्यात आली. ढिसाळ नियोजनामुळे नेहा प्रचंड संतापली आणि कार्यक्रम अर्धवट सोडून निघून गेली. यावेळी स्टेजवर नेहाने आयोजकांजवळ कठोर शब्दात आपला संताप व्यक्त केला. याचा व्हिडीओ सध्या सोशल मीडियावर व्हायरल होत आहे.
