‘गजनी’ सिनेमातून आमिर खानसोबत बॉलिवूडमध्ये पदार्पण करणारी असिन पुन्हा एकदा चर्चेत आहे. असिनचा विवाह झाल्याची चर्चा सध्या रंगली आहे. वधूच्या वेशातील आणि हातावर मेंदी लावलेले असिनचे काही फोटो सोशल मीडियावर व्हायरल झाले आहेत. हे फोटो पाहून असं वाटतंय की असिन विवाहबंधनात अडकली आहे. असिनचे हे फोटो तिच्या आगामी ‘ऑल इज वेल’ या सिनेमातील आहेत, ज्यामध्ये तिचं लग्न झाल्याचं दाखवण्यात आलं आहे. शूटिंगच्या सेटवरील हेच फोटो लीक झाले असून सध्या सोशल मीडियावर व्हायरल झाले आहेत. असिनने ‘खिलाडी 786’ मध्ये अक्षयकुमार आणि ‘रेडी’मध्ये सलमान खानसारख्या सुपरस्टारसोबतही काम केलं आहे. आता ती अभिषेक बच्चनसोबत रोमान्स करताना दिसेल.
