बॉलिवूड सुपरस्टार सलमान खानच्या 'किसी का भाई किसी की जान' या चित्रपटाची चाहते आतुरतेने वाट पाहत आहेत. या चित्रपटातील अनेक धमाकेदार गाणी रिलीज झाली आहेत. नुकतेच या चित्रपटाचे 'येंतम्मा' हे गाणे रिलीज झाले आहे. या गाण्यात सलमान खान लुंगी घालून डान्स करताना दिसत आहे. या गाण्यात सलमान खानसोबत साऊथचे सुपरस्टार राम चरण आणि व्यंकटेशही दिसत आहेत.
गाण्यात सलमान खान आणि बाकीचे पुरुष कलाकार दक्षिणेतील सणांसाठी पारंपारिक पोशाख (धोती) परिधान केलेले दिसतात. भारताचे माजी क्रिकेटपटू लक्ष्मण श्रीरामकृष्णन यांनी यावर आक्षेप घेतला आहे. त्यांनी ट्विटरवर लिहिले की हा आपल्या दक्षिण भारतीय संस्कृतीचा मोठा अपमान आहे. ती लुंगी नाही, धोतर आहे. हा एक शास्त्रीय पोशाख आहे जो अतिशय चुकीच्या पद्धतीने दर्शविला गेला आहे.
