बॉलिवूडचा दबंग सलमान खानने (Salman Khan) तब्बल साडेसहा महिन्यांनी शूटिंगला सुरुवात केली आहे. इतक्या महिन्यांनी सेटवर आल्यामुळे सलमान खानने आनंद व्यक्त केला आहे. शूटिंगच्या पहिल्या दिवसाचा फोटो सलमानने इन्स्टाग्रामवर शेअर केला आहे. साडेसहा महिन्यांनी सेटवर आल्यामुळे आनंद वाटतो आहे, असं कॅप्शनही सलमानने दिलं आहे.
सिनेमाच्या सेटवर फिजिकल डिस्टन्सिंग, मास्क आणि सॅनिटायझरचा वापर करण्यात येत आहे. शूट सुरू होण्याआधी कलाकारांसह सर्व टीमची कोरोना चाचणीही करण्यात आली होती. राधे सिनेमामध्ये सलमानसोबत जॅकी श्रॉफ, दिशा पटानी, रणदीप हुडा असे दिग्गज कलाकारदेखील खास भूमिकेत दिसणार आहेत. राधे सिनेमासोबत किक-2, कभी ईद कभी दिवाली या प्रोजेक्टवरही सलमानचं काम सुरू आहे.
