प्रेक्षकांचा आवडता स्टँड-अप कॉमेडियन कपिल शर्मा पुन्हा एकदा त्याच्या 'द ग्रेट इंडियन कपिल शो' शोद्वारे सर्वांना हसवण्यासाठी परतला आहे. मात्र, यावेळी त्याचा शो टीव्हीऐवजी ओटीटीवर प्रदर्शित झाला आहे. त्याच्या पहिल्या एपिसोडमध्ये नीतू कपूर, रिद्धिमा कपूर साहनी आणि रणबीर कपूर पाहुणे म्हणून आले होते. तिघांनी मिळून कपिलच्या शोमध्ये खूप धमाल केली. या स्टार्ससोबत कपिल आणि सुनील ग्रोव्हरला पाहून चाहतेही खूप खुश झाले.नीतू कपूर, रणबीर कपूर आणि रिद्धिमा यांनीही या शोमध्ये एकत्र अनेक गुपिते उघड केली.
कपिलच्या शोमध्ये वडील ऋषी कपूर यांची आठवण काढताना रणबीर म्हणाला, 'मला माझ्या वडिलांनी फक्त एकदाच कानशिलात मारली केली होती. त्याचं कारण असं होतं की, दिवाळीत एकदा आरके स्टुडिओमध्ये दिवाळी पूजेचं आयोजन करण्यात आलं होतं. बाबा खूप धार्मिक व्यक्ती होते. तेव्हा मी 8 किंवा 9 वर्षांचा होतो. म्हणून मी चप्पल घालून मंदिराच्या आत गेलो. तेव्हा माझ्या वडिलांनी मला कानाखालीच मारली.
शो दरम्यान, रणबीर कपूरने खुलासा केला की तो लहानपणी रिद्धिमाला खूप मारायचा. रणबीर म्हणाला, 'मला आता वाईट वाटतंय, पण मी माझ्या लहानपणी तिला खूप मारलं आहे.'
